Tinawag ni International Criminal Court (ICC) Assistant to Counsel Kristina Conti na “counterproductive” ang in-adopt na Senate Resolution No. 144 na naghihikayat sa Senado na i-request sa International Criminal Court (ICC) ang house arrest para kay dating pangulong Rodrigo Duterte.
Giit ni Conti, tanging matters of fact at batas lang ang ginagamit ng ICC sa pag-evaluate sa request para sa interim release at adjournment sa kaso ni Duterte.
Unless the Senate has direct knowledge of Rodrigo Duterte’s physical and mental health, then the resolution will be mere political noise," giit ni Conti.
Ipinunto rin niyang may isang senador na nag-sponsor ng resolusyon na posibleng kabilang sa co-perpetrators sa crimes against humanity case ng dating pangulo.
Maaari rin umanong mag-backfire ito lalo’t maaari itong ituring na ICC bilang “political intrusion” at patunay na may “significant political clout” pa rin ang mga Duterte.