Dating Senador Antonio Trillanes IV, naghain ng reklamong plunder laban kina dating Pangulong Rodrigo Duterte, Senador Bong Go, at sa ama at kapatid ni Go sa Office of the Ombudsman.
Ayon kay Trillanes, may kaugnayan ang reklamo sa umano’y P7 bilyong halaga ng infrastructure projects na napunta sa CLTG Builders, kompanyang pagmamay-ari umano ng ama ni Senador Go mula pa noong 2016.
Binanggit din sa reklamo ang umano’y P816 milyon na bahagi ng proyektong ito na napunta sa joint venture ng CLTG Builders at St. Gerrard Construction, na pagmamay-ari naman ng mag-asawang Curlee at Sarah Discaya.