NEWS UPDATE | PADILLA, UMALMA SA RAPPLER SA ISYU NG UMANOY ‘DIRTY FINGER’ SA SENADO
Dumipensa si Senador Robin Padilla matapos lumabas sa Rappler ang balitang umano’y nagpakita siya ng bastos na senyas habang inaawit ang pambansang awit sa sesyon ng Senado noong Setyembre 8, 2025.
Sa isang Facebook live nitong Setyembre 11, iginiit ni Padilla na walang katotohanan ang ulat na pinamagatang “Senator Padilla’s Dirty Finger.” Paliwanag niya, ang litrato na kumakalat ay hindi paglapastangan kundi isang mahalagang simbolo ng kanyang pananampalatayang Islam.
Binigyang-diin ng senador na ang kilos na iyon ay tanda ng debosyon at paggalang, hindi kabastusan. Aniya, “Hinihingi ko po na huwag na sana natin itong gawing kalokohan.”
